泵泵蘇之戀歌詞

《湯圓皇后》

男：撈到街邊叫賣湯圓，我往日有屋有良田，爲好嫖又好賭呢搞到冇時掂，敗曬身家賒借無門捱窮半年。

（白：好彩天冇絕人之路，我嘅好老婆救番我。）

女：夫君不必怨地呼天，過去就算咗，咪念從前，盡你勞力去搵，天會從人願，立正心肝改過定然成爲聖賢。

（白：總之你肯發奮做人，將來一定有好日子過嘅。）

男：（白：老婆，你係得嘅。從前我咁對你唔住，難得你一啲都唔嫐我。一切一切都原諒我，唉，想起上嚟，真系令我無地自容咯。）

女：（白：嘻，做夫妻如唔瞭解，點過得一世埋啊？以前嘅嘢唔好提嘞，嗱，嘀起心肝賣湯圓罷啦。）

男：嘀起心肝叫賣湯圓，湯圓夠滑夠香有鹹甜，用正材料靚粉，香夾滑溜，吃過梗返點，你吃完鹹再吃甜。

（白：喂，呢位老友，吃鹹嘎？呢位大姑呢？甜嘅啦？）

女：做人實在要服湯圓，有陣要扁有陣時圓，仲要內心一片是良善，又要知慳識節儉時常要剩錢。

男：（白：好，一於聽曬老婆話。）

女：（白：系囉，咁樣做人至啱咯嘛。）